លោក សោម សម្បត្តិ ជាបុគ្គលជោគជ័យមួយរូបដែលខំប្រឹងតស៊ូតាំងពីជីវភាពខ្សត់ខ្សោយរហូតក្លាយជានាយកប្រតិបត្តិនៃសហគ្រាសផលិតថ្នាំពណ៌ជាតិ Cam-Paint ដ៏ល្បីឈ្មោះក្នុងវិស័យជំនួញនិងលេចមុខជាវាគ្មិនក្នុងកម្មវិធីជាច្រើននៅកម្ពុជា។

ខាងក្រោមនេះជាកម្រងសម្ដីមាសរបស់លោក ៖

១. ដើម្បីឲ្យគេចង់បានយើង យើងត្រូវធ្វើខ្លួនឲ្យគេចង់បាន ។
២. លះបង់នូវអ្វីដែលគួរឲ្យស្អប់អ្នកនឹងទទួលបាននូវអ្វីដែលគួរឲ្យស្រលាញ់ ។
៣. ជោគជ័យវាមិនមែនជាកម្មសិទ្ធរបស់អ្នកខ្លាចនោះទេ វាជាកម្មសិទ្ធរបស់អ្នកហ៊ាន ។
៤. បើអ្នកចង់បានមេដឹកនាំល្អអ្នកត្រូវធ្វើខ្លួនឲ្យល្អ ពីព្រោះអ្នកនេះឯងជាអ្នកដឹកនាំខ្លួនឯងនិងអ្នកដទៃ ។

៥. អ្នកដឹកនាំគឺជាមនុស្សធម្មតាដែលខំធ្វើការងារមិនធម្មតា ។ គ្រប់គ្នានឹងក្លាយជាអ្នកដឹកនាំនៅពេលដែលយើងសម្រេចចិត្តធ្វើការមិនធម្មតា ។
៦. មនុស្សស្មោះត្រង់មិនខ្វះកន្លែងត្រូវរស់ទេ ចំណែកឯមនុស្សវៀចវេរមិនងាយនឹងរកកន្លែងរស់បានទេ ។
៧. កុំបង្កើនការព្រួយបារម្ភ គួរបង្កើនឥទ្ធិពល កុំផ្ដោតលើបញ្ហាគួរផ្ដោតលើដំណោះស្រាយ គ្រប់ជីវិតមាន ខ្លាំង ខ្សោយ គ្រោះ លាភ ។
៨. លុយកាកបុណ្យសក្កិ គឺជាផ្លែផ្កា ញាតិមិត្តគ្រួសារគឺជាឬសគល់ ។
៩. ថ្នាំមួយគ្រាប់មិនអាចព្យាបាលជំងឺមួយរយមុខបានទេ ផ្ទុយទៅវិញជំងឺមួយមុខអាចត្រូវព្យាបាលដោយថ្នាំរយគ្រាប់ ៕

អ្វីដែលនៅពីក្រោយការហៅខ្យល់របស់ខុងមិញ (ជូកឺលៀង) ក្នុងសង្គ្រាមឆឺពី

(Mind Power) ៖ អ្នកដែលធ្លាប់បានមើលរឿងសាមកុកប្រាកដជាបានដឹងថាមានវគ្គមួយដែលនិយាយពីសង្គ្រាមនៅឆឺពីនៅនគរអ៊ូមិនខាន។​ក្នុងពេលនោះ ខុង មិញនិង មេទ័ពធំ ចូវ អ៉ីបាននិយាយគ្នាពីយុទ្ធសាស្ត្រដើម្បីឲ្យខ្សោយយកឈ្នះខ្លាំងបាន ពេលនោះពួកគេបានសរសេរដាក់បាតដៃហើយលើកបង្ហាញក្នុងពេលដំណាលគ្នា “គឺប្រើភ្លើង” តែគួរឲ្យស្ដាយនៅត្រើយទន្លេខាងកើតមិនមានខ្យល់បកពីទឹកខាងកើតទេបើប្រើភ្លើងដុតប្រាកដជាឆេះខ្លួនឯងវិញហើយ តែពេលនោះខុង មិញ ធានាខ្លួនហៅខ្យល់ឲ្យចូវ អ៉ី ។

តើខុងមិញពិតជាមានមហិទ្ធិឬទ្ធិពិសេសអាចហៅខ្យល់ពីទិសខាងកើតបានពិតមែន?

ដោយសារតែខុង មិញជាមនុស្សមានឧត្តមគតិត្រៀមខ្លួននឹងធ្វើកិច្ចការធំស្រាប់ទៅហើយទើបខណៈពេលដែលលាក់ខ្លួនសិក្សារកចំណេះដឹងនៅលើភ្នំ គាត់ត្រូវតែចាប់អារម្មណ៍ពីស្ថានភាពអាកាសធាតុនៅក្នុងតំបន់នោះយ៉ាងខ្លាំងតាមទម្លាប់ទាហានដែលមានចក្ចុវិស័យវែងឆ្ងាយ ដូច្នេះហើយគាត់អាចយល់ច្បាស់ពីសភាពនៃការផ្លាស់ប្ដូរអាកាសធាតុត្រើយទន្លេទាំងពីរ។

គោលការនៃការផ្លាស់ប្តូរអាកាសធាតុគឺបើគណនាពីមធ្យមភាគនៃការផ្លាស់ប្ដូរតាមបាតុភូតធម្មជាតិយើងនឹងដឹងពីការផ្លាស់ប្ដូររបស់អាកាសធាតុពិតៗនៅក្នុងខណៈពេលនីមួយៗបានដូចជាថ្ងៃ១៥កើត ខែ៨ ពពកនឹងបាំងព្រះច័ន្ទ ថ្ងៃ១៥កើត ខែមិគសិរ ព្រឹលនឹងធ្លាក់ខ្លាំង ។ ប្រជាជនអាស្រ័យទៅលើការសង្កេត ហើយយកមកសរុបធ្វើជារូបមន្តក្នុងការព្យាករអាកាសធាតុបានដោយងាយ ដូច្នេះមិនមានអ្វីប្លែកទេដែលមនុស្សមានប្រាជ្ញាដូចជា ខុងមិញ ទស្សន៍ទាយការផ្លាស់ប្ដូរអាកាសធាតុបាន។

ថ្ងៃដែល ខុងមិញ ហៅខ្យល់នោះជាថ្ងៃដើមរដូវរងារនៅក្នុងតម្រាព្យាករណ៍អាកាសធាតុសម័យបុរាណបាននិយាយ “នៅដើមរដូវរងារអាកាសធាតុត្រជាក់នឹងចាប់ផ្ដើមគ្របដណ្ដប់ ចំណែកឯអាកាសធាតុក្ដៅក៏ចាប់ផ្ដើមអណ្ដែកឡើងទៅលើខ្ពស់” មានន័យថានៅពេលអាកាសធាតុក្ដៅនិងត្រជាក់ប៉ះគ្នាធ្វើឲ្យមានការផ្លាស់ប្ដូរកើតឡើងនៅទិសខាងជើងទន្លេរ។ ដូច្នេះមហិទ្ធិឬទ្ធិរបស់ ខុងមិញក្នុងរឿងសាមកុកនោះជាមហិទ្ធិឬទ្ធិដែលជាវិទ្យាសាស្ត្រប៉ុណ្ណោះ ។

រឿងខុងមិញហៅខ្យល់នេះផ្ដល់ជាឧទាហរណ៍ដល់យើងថានៅក្នុងពេលធម្មតាយើងគួរតែធ្វើជាមនុស្សដែលពូកែសង្កេត ៕